,,الســـــــــــــلام عليــــــكم ورحمــة الله وبــركـــــــاتـهـ ,,

المـوضوع بـاين من عنـوانـه < == زيـن نفسكـ ياشيـخه محلـوفن عليكـ تكتـبين مـوضوع
..



الصـدز يـوم من الأيـام قـاعده أهـوجس وتـذكـرت أيـام أول
يـومنـا مبـزره < == تـرفقي يالعجـوز
.. تـذكرت الفقشـات
اللي كـنـا نقـولها لبعـض .. وصـدق حمـدت ربـي على العقـل ..


..
والله يافيـه فقشـات مهب تنبـلع .. صـح أن بعـضها منحـب نصـدقـها
بس اذا جـتك وحـده كبيـره وأسـلوبها يغـريك تبين تصـدقينها غصـب
..

المهـم هـذي من أعظـم وأقـوى الفقشـات اللي مـرت علي .. في الصغر والكبـر


[ .. أول فقشـه .. ]

هذي الله يسلمكم بنت معنى في قسم الإبتدائي (حنا مـدرستنا مُجمع كامل,في الفسحه والطلعه نشوف هالبنت دايم),المهم كانت أعظم وأكبر فقاشه على وجه الكره الأرضيه,تخيلوا كانت تقول لنا اصلاً نانسي عجرم اختي
,يعني المشكله تعرف ان احنا بنات من الثانوي مهب بنات إبتدائي علشان نصدقها هاهاهاها,,والشيء الثاني تقول ترى بابا عبد الله ابوي..!!اصلاً انا قلت للسعوديه كلها سموو أبوي بابا عبد الله
وحنا نتطنز عليها نقول قولي قاااااء نصاابه أحلفي قولي والله و و و و وهي الضحكه منا الى منا وهي على بالها ان احنا مصدقينها ياعميري
,وبرضو تقول اصلاً اختي إليسا.. كاااااااااع,,قمت قاطعتها وقلت يعني إليسا ونانسي عجرم خوات هأ هأ هأ..
والله ياما وياما فقشت على خلق الله ومحد مصدقها ومن كثرها والله منب اذكر الا اللي قلته هههههههههههه,,



[ .. ثــاني فقشــه .. ]

هذا أخوي الكبير يقوله لي,,يقول ان اثنين من عيال عمتي كان هو وياهم دايم مع بعض ,, المهم واحد من الأثنين كان كبر أخوي والثاني أكبر منهم بسنتين..ومستغلهم إستغلال غير طبيعي الله يهديه بس
المهم في إحدى الليالي كانوا قاعدين في الحوش و كـان القمـر ( هــلال ) قـال لهم(اللي اكبر منهم بسنتين) تعـرفـون علـم الهـلال ؟قالوا ايه نعرفه..قام قال لهم شفتـوا الكـوره اللي في الهـلال انا شـايتها ومصـورها
هم بإستغـراب
مــاشاء الله وشلـون
!! .. قام يقول لهم .. أنا أمـزع بقـوه ومزعتـها وصّلـتها القمـر
وصـورتها
.. عـاد بعـدين (أخوي واللي كبره)أكتشفوا انـهم زلايب وأنسحب على خششهم

..


[ .. ثــالث فقشــه .. ]

هـذا واحـد يـرويهـا لأخوي يقـول أن أول كنـا ساكنيـن في الحـاره وكـان معنـى واحـد من عيـال الحـاره أبـوه معـه شبـح .. يقـول هالولد اللي أبوه مع شبـح مـره كنـا ماسكيـن خـط وفجـأه أنفقـع علينـا الكفـر .. يقـول عـاد أن أبـوه ضغـط زر والسيـاره تمشـي
طلـع هنـدي وصـلح الكفــر ..
ههههههههههههههههههه وين اصـرفها ذي والله ياهي ماتنبلع
..


[ .. رابــع فقشـه .. ]

هـذا جيـران واحـد يقـرب لنا .. أول ما طلـع جـوال النـورس كـانكم تخبـرونه
.. المهـم يقـول صـاحب الجوال يبي يمـدحه,, يقـول مـره الغطـا حق الجـوال اللي ورا اللي تغطي بهـ البطـاريه أنفكـ علي وحـاولت أركبـه بس مـاش ضغطتـه الين قـلت آميـن بس عجـزت
يقـول عـاد من القـوه اللي ضغطـته به طـار الجـوال من يـدي وصقـع في الجـدار
ورجـع في يـدي وركـب الغطـا حق الجـوال
..
اسطـوره ذي مهب فقشـه الله يجـزاك خيـر




تنبيــه : طبـعاً الجـوال ماجـاه ولا حكـه ولا خـدشه



[ .. خــامـس فقـشـه .. ]

هذي وحده من بنات بنات عماتي يومها صغيره(مع العلم كنت اكبر منها لكـن مع ذلك كنت أصدقها مـدري ليه,,يمكن أسلوبها مشـوق أو أنها تضبط الفقشـات وتصير كأنها حقيقه
هأ هأ هأ)المهم كانت تسولف معي هــاكـ اليوم وتقول مـره فيـه نـاس ماسكيـن
خـط وكـان معهـم تيـرسـل المهـم هم أربعه كـل واحـد في مـرتبـه تقـول طلعلهـم
بعيـر في نـص الـطريق عـاد هـم كـانوا مسـرعين ماقـدروا يسـوون شـيء .. تقـول
أن اللي يسـوق قـال نـزلوا روسكـم وتشـهدوا .. المهـم تقـول سبحـان الله
دخلـوا من بيـن رجليـن البعـير وأنشقـت التنـده وكلـهم قـاموا مافيهـم الا العـافيه
والبعـير الظـاهر انشـقـت معـدته
..


عـاد اختـلف العلمـاء هـل هـو بعيـر ولا نـاقـه
..



--


ننهـي مع هـذه الفقشـه اللي ماقـد سمـعت أحـد ما قـالها ..
أول مـاطلع فيلم تـايتنكـ وأشتهـر .. كل الدنيـا تـرى جـدي عنـده سفينـه
زيّـها مدري ليـش الجـد بالذات مهب الأبـو
..

ييــزي عـاد <== اللي بتفهم أو بيفهم كلمة ييزي قوي

عنـدي فقشـات واجـد بس انا من النـوع اللي ينسى واجد
.. إن تـذكرت شـيء رجـعت
.. يالله عـاد لا تبخـلون علينـا ودي أضحـك
..


مع الســـلامــه,,